Ka filluar heqja e tabelave të autostradës dhe aeroportit më mbishkrimin “Aleksandri i Madh” në Maqedoni. Ditët në vijim pritet vendosja e tabelave të reja, “Autostrada ‘Miqësia’” dhe “Aeroporti Ndërkombëtar Shkup”. Nga N.P. “Rrugët e Maqedonisë” njoftojnë se tabelat e reja do të vendosen sapo të verifikohen nga një ekip i posaçëm lektorësh, raporton Alsat-M. Riemërimet janë të sinkronizuara me intensifikimin e negociatave për emrin, me ç’rast këto veprime të Shkupit zyrtar kanë për qëllim krijimin e mirëbesimit, që do t’i hapte rrugë zgjidhjes së kontestit shumëvjeçar të emrit me Greqinë. Pritet që në fund të këtij muaji, ose në fillim të muajit mars, në aeroportin e Shkupit të aterrojë shefi i diplomacisë greke, Nikos Kotzias dhe ky do të ishte aterrimi i parë pas shumë vitesh i një zyrtari të lartë grek.
Sipas të dhënave të fundit zyrtare, pagat mesatare më të larta në rajon i ka Sllovenia dhe Kroacia, ndërsa më të ulëtat Kosova dhe Maqedonia. ipas të dhënave të fundit zyrtare, pagat mesatare më të larta në rajon i ka Sllovenia dhe Kroacia, ndërsa më të ulëtat Kosova dhe Maqedonia, raporton Anadolu Agency (AA). Të dhënat e Entit statistikor të Sllovenisë tregojnë se në fund të vitit 2017 paga mesatare neto mujore në Slloveni u rrit në 1.062 euro, që është një rritje nominale prej 3.1 për qind, kurse reale prej 1.7 për qind në krahasim me vitin 2016.Vitin e kaluar si në sektorin privat ashtu edhe publik Sllovenia ka shënuar rritje të të ardhurave mesatare mujore. Pas Sllovenisë radhitet Kroacia, ku sipas të dhënave të fundit, paga mesatare është rreth 835 euro. Sipas Byrosë Qendrore të Statistikave (DZS), paga mesatare mujore neto për një punëtor në Kroaci në nëntor të vitit të kaluar ishte 6.190 kuna ose 832 euro, që paraqet rritje mujore nominale prej gati 3 për qind kurse në atë v..
MPB kumtoi se kanë hyrë në fuqi ndryshimet e ligjit për siguri në komunikacion, me të cilat, fëmijët, ashtu siç qëndron në ligj, me mbushjen 17 vjet, dhe jo si deri më tani 16 vjet, do të munden të marrin patentë shoferi. Nga ana tjetër me ndryshimet e reja parashohin edhe rritje të kufirit të moshës, pas së cilës duhet të nxirret vërtetim mjekësor në çdo tre vjet për vazhdim të patentës së shoferit. “Në pajtueshmëri me ligjin për siguri në komunikacion, leja e vozitjes jepet në afat prej 10 vjetëve, ndërkaq te personat më të vjetër se 70 vjet, me afat prej tre vjetëve. Sipas ligjit të vjetër kufiri ishte në moshën 65 vjeçare. Gjithashtu. Fëmija mund të pajiset me patentë shoferi të kategorisë “B” nëse ka 17 vjet, në vend siç ka qenë deri më tani 16 vjet. Leje për vozitje të traktorit mund të posedojnë personat mbi 17 vjet”, thuhet në kumtesë.
Presidenti i Turqisë Recep Tayyip Erdoğan, për ftesën e homologut të tij Gjorge Ivanov në Maqedoni, tha se në rast se programi i tij përshtatet në muajin maj do të zhvillojë një vizitë kthyese në Maqedoni, raporton Anadolu Agency (AA). Erdoğan dhe Ivanov, pas takimit të realizuar në Kompleksin Presidencial në Ankara, zhvilluan një konferencë shtypi të përbashkët. Erdoğan duke iu përgjigjur ftesës së homologut të tij të Maqedonisë, në rast se programi i tij përshtatet në muajin maj do të zhvillojë një vizitë kthyese në Maqedoni. Presidenti i Turqisë theksoi se rruajtja e qetësisë dhe paqes në Maqedoni, e cila është pasqyra e Ballkanit, është një shembull i rëndësishëm për rajonin.
Sot Qeveria miratoi disa vendime te rendesishme nepermjet propozim ndryshimit te ligjit: – Themelimin e Televizionit Shteteror ne gjuhen shqipe me emetim 24 ore, – Themelimin e Radios ne gjuhen shqipe me emetim 24 ore – Themelimin e kanalit satelitor shteteror me emetim 24 ore ne gjuhen shqipe – Vendimarje me shumice te dyfishte per programet me interes te vecante ne Keshillin e Agjencise per sherbime audiovizuele.
Hitleri do të deklaronte më vonë se po të kishte patur dijeni mbi natyrën e prodhimit të tankeve ruse, dhe sidomos për tankun T-34, kundër të cilit armët standarte gjermane antitank nuk ishin efikase, nuk do ta kishte pushtuar kurrë Bashkimin Sovjetik. Ndoshta. Por u desh një teatër lufte në Lindje që vrau më shumë se 30 milion njerëz, për të zbuluar fuqinë e vërtetë të sovjetikëve. Përse bota Perëndimore – e cila kishte dijeni për leksionet klasike dhe gjeografinë e luftës, dhe po vuante ende nga trauma e Luftës së parë – zgjodhi që të vetëshkatërrohej në vitin 1939, kjo është një histori jo aq shumë aksidentesh, llogaritjesh të gabuara dhe reagimesh të tepruara, se sa vendimesh të mirëmenduara për të injoruar, zbutur, apo bashkëpunuar me Gjermaninë naziste të Adolf Hitlerit, nga vende që kishin burimet dhe njohuritë, por jo vullnetin, për të vepruar ndryshe. Nga Victor Davis Hansen Gjatë gjithë historisë, konflikti ka shpërthyer mes armiqve, kur dukja e parandalimit – mundësia mat..
Përdorimi i celularëve gjatë drejtimit të veturave dhe automjeteve në përgjithësi në komunikacion, paraqet njërin prej shkaqeve më të shpeshta se pse ndodhin aksident në trafikun rrugor. Ky është konstatimi i Këshillit Republikan për Siguri në Komunikacion, i cili së fundmi përmes një komunikate publike, ka alarmuar për numrin e madh të aksidenteve dhe dëmeve materiale që ndodhin në rrugët e vendit nga moskujdesi, kryesisht i shoferëve, shkruan gazeta KOHA. Jeta bashkëkohore, siç theksojnë nga ky Këshill, qytetarëve u ka imponuar një dinamikë të fort, obligime të shumta me çka ndikon më tepër në aksidentet e komunikacion, sipas KRSK, është lufta për kohën dhe dëshirën që të jemi prezent në çdo kohë dhe në çdo vend. Analizat dhe hulumtimet e realizuar nga KRKS, mes tjerash kanë konstatuar se shkaktarë për shumë aksidente në komunikacion është nervoza dhe mos durimi i shoferëve. Neglizhenca ndaj zhvillimeve në komunikacion, gjegjësisht niveli i lartë i dekoncentrimit dhe defokusimit, si..
Sot thirra në mbledhje ekipin tim për të diskutuar në lidhje me largimin e pikës 30 nga rendi i ditës i mbledhjes së Këshillit të Komunës që do të mbahet nesër e që ka të bëjë me kërkesën deri te Këshilli Komunal për furnizim me automjet udhëtimi për nevojat e Kryetarit të Komunës së Çairit. Pas konsultimit me ekipin tim morra vendim që mjetet për furnizim me automjet udhëtimi për nevojat e Kryetarit të Komunës të alokohen për: trajtimin e fëmijëve me nevoja të veçanta; ndërtimi I këndëve me lojra për fëmijë, si dhe mirëmbajtja e tyre; mbështetja e organizatave humanitare. Për realizimin e obligimeve të përditshme të punës do të vazhdoj t’a shfrytëzoj veturën time personale.
Shumica e strukturave të BDI-së është kundër kthimit të mundshëm të Musa Xhaferit në qeveri, thonë burime partiake që dëshirojnë të mbeten anonime. Sipas tyre, kthimi i Xhaferit do të mund të dëmtonte imazhin e partisë, transmeton Gazeta Lajm. Sipas burimeve partiake, kundër kthimit të Musa Xhaferit është 90 për qind e degës më të fortë partiake, asaj të Tetovës, sikurse edhe dega e Gostivarit. Me përjashtim të kryetarit të partisë, Ali Ahmeti dhe një rrethi të ngushtë, për Xhaferin thuhet se nuk ka përkrahje të madhe as në degën e Kërçovës. Shkupi, Kumanova dhe Struga janë të ndara 50:50 pro dhe kundër Xhaferit. “Musa Xhaferi ishte shkaku pse dhanë dorëheqje gjithë ministrat dhe zëvendës ministrat në vitin 2016. Do të ishte padrejtësia e madhe nëse ai kthehet, kurse nuk kthehen ata që pësuan për shkak të tij dhe dyshimeve se ka zhvilluar biseda erotike që u paraqitën në opinion”, kanë thënë burime partiake në BDI.
Ambasadori i Republikës së Francës në Maqedoni, Kristian Timonie ka uruar kryetarin e ri të Lëvizjes Besa, Afrim Gashi për zgjedhjen e tij në krye të partisë në Kongresin e djeshëm. Timonie në letrën e tij, shpreson në bashkëpunim të ngushtë në rrugën drejt integrimit evropian dhe atlantik, ndërsa i ofron mbështetje Gashit në punën e tij për të mirën e qytetarëve. “Në emër të ambasadës së Francës dhe në emrin tim personal, ju uroj për zgjedhjen tuaj në krye të Lëvizjes BESA. Besoj shumë në bashkëpunimin e ndërsjellë, me qëllim që vendi të ec në drejtimin e duhur drejt integrimit evropian dhe atlantik, prandaj dhe me këtë rast dëshiroj t’ju shprehë përkrahjen tonë. Jam i bindur se gjatë mandatit tuaj do të rrugëtoni me sukses dhe do të punoni për të mirën e të gjithë qytetarëve të këtij shteti. Me dëshirën dhe bindjen e plotë se ju dhe partia që ju drejtoni do të kontribuoni në proceset e integrimeve, për t’u bërë së shpejti pjesë e familjes evropiane”, thuhet mes tjerash në letrën e a..